Иеромонах Василий (Мозговой) - 5-й псалом. Оптинский распев | Текст песни

• Тексты песен
• Иеромонах Василий (Мозговой)
• 5-й псалом. Оптинский распев

Глагóлы моя́ внуши́, Гóсподи, разумѣ́й звáнiе моé.
Вонми́ глáсу молéнiя мо­егó, Царю́ мóй и Бóже мóй: я́ко къ тебѣ́ помолю́ся, Гóсподи.
Заýтра услы́ши глáсъ мóй: заýтра предстáну ти́, и ýзриши мя́:
я́ко Бóгъ не хотя́й беззакóнiя ты́ еси́: не при­­сели́т­ся къ тебѣ́ лукáвнуяй,
нижé пребýдутъ беззакóн­ницы предъ очи́ма тво­и́ма: воз­ненави́дѣлъ еси́ вся́ дѣ́ла­ю­щыя беззакóнiе,
погуби́ши вся́ глагóлющыя лжý: мýжа кровéй и льсти́ва гнушáет­ся Госпóдь.
А́зъ же мнóже­с­т­вомъ ми́лости тво­ея́ вни́ду въ дóмъ твóй, поклоню́ся ко хрáму святóму тво­емý, въ стрáсѣ тво­éмъ.
Гóсподи, настáви мя́ прáвдою тво­éю, врáгъ мо­и́хъ рáди испрáви предъ тобóю пýть мóй.
Я́ко нѣ́сть во устѣ́хъ и́хъ и́стины, сéрдце и́хъ сýетно, грóбъ от­вéрстъ гортáнь и́хъ, язы́ки сво­и́ми льщáху.
Суди́ и́мъ, Бóже, да от­падýтъ от­ мы́слей сво­и́хъ: по мнóже­ст­ву нечéстiя и́хъ изри́ни я́, я́ко преогорчи́ша тя́, Гóсподи.
И да воз­веселя́т­ся вси́ уповáющiи на тя́, во вѣ́къ воз­рáдуют­ся, и всели́шися въ ни́хъ: и похвáлят­ся о тебѣ́ лю́бящiи и́мя твоé.
Я́ко ты́ благослови́ши прáведника, Гóсподи, я́ко орýжiемъ благоволéнiя вѣнчáлъ еси́ нáсъ.

Иеромонах Василий (Мозговой) еще тексты