Илхам Шакиров - Умырзая (татар халык көе, Ә.Фәйзи сүзләре) | Текст песни

• Тексты песен
• Илхам Шакиров
• Умырзая (татар халык көе, Ә.Фәйзи сүзләре)

Боз катлавы эрегәч, җир өстенә
Умырзая чыга, карагыз:
Умырзая чыга,
Умырзая калка,
Умырзая суза сабагын.

Боз катлавы кебек көнкүрештән
Чыгасым ла килә тизрәк:
Умырзая кебек,
Умырзая кебек,
Умырзая кебек тиз үрләп…

Умырзая бик тиз үсеп чыга,
Бик аз гына яши тураеп;

Умырзая бик тиз
Башын аска ия,
Умырзая сула моңаеп…

Юк, мин яшәр идем озак, озак,
Минем килми алай буласым:
Умырзая кебек,
Умырзая кебек,
Умырзая кебек суласым…

Юк, мин яшәр идем җәй ясаучы
Зур чәчәкләр белән җыелып;
Юк, мин үлмәс идем
Умырзая кебек,
Умырзая кебек боегып…

Илхам Шакиров еще тексты