Ильдар Гадельшин - Эй ходай,исэлек бир син безгэ | Текст песни

• Тексты песен
• Ильдар Гадельшин
• Эй ходай,исэлек бир син безгэ

Кешегә гомерләр бирелә
Мең түгел, бары тик бер генә.
Кулымнан төшермәм мин сине
Җаныем төшермәм гомергә.

Мин сине ташламам мәңгегә-мәңгегә,
Шул ачы язмышлар кулына.
Ташламам беркайчан, беркайда, беркемгә,
И, Ходай, исәнлек бир син миңа (безгә).

Тиз үтә бу тормыш язлары,
Ә алда — салкыны, карлары.
Мин сине өшетмәм, туңдырмам,
Дөньяда онытма мин барын.

Мин сине ташламам мәңгегә-мәңгегә,
Шул ачы язмышлар кулына.
Ташламам беркайчан, беркайда, беркемгә,
И, Ходай, исәнлек бир син миңа (безгә).

Без икәү бербөтен: син дә мин,
Кайгы да, шатлык та гел уртак.
Йөрәкләр мәңгегә бәйләнгән,
Мәхәббәт — мәңгелек табышмак.

Ильдар Гадельшин еще тексты