Ишмулла Дилмөхәмәтов - Таштуғай (ҡурай) | Текст песни

• Тексты песен
• Ишмулла Дилмөхәмәтов
• Таштуғай (ҡурай)

Таштуғай ҙа, һинең ҡамышыңды
Еҙ ҡурайҡай итеп тартайым.
Таштуғай ҙа, һинең кәкүгең юҡ,
Үҙ Уралҡайыма ҡайтайым.

Таштуғай ҙа буйы, ай, күләүек,
Күләүек тә түгел, һаҙ икән.
Һаҙҙарында һайрар ҡоштары юҡ,
Моңло ҡошҡайҙары ҡаҙ икән!

Таштуғай ҙа, һинең йылғаҡайың
Тоноп ҡына аҡҡан һыу икән.
Тоноҡ ҡына һыуҙа шәүлә сағыла,
Байғүбәгем иҫән-һау микән?

Таштуғай ҙа, һинең кәкүгең юҡ,
Һағышымды көйләп тартырға.
Урал тупраҡтары кире тарта
Таштуғайҙы ташлап ҡайтырға.

Таштуғай ҙа һыуының ҡамышын
Ҡурай ғына итеп тартайым.
Ҡоштар ғына осоп етмәҫ ергә
Биргән икән мине атайым.

Ишмулла Дилмөхәмәтов еще тексты