Июль - Враги сожгли родную хату = Вордэм юртсэ фашист сутэм солэсь (М. Блантер — М. Исаковский) | Текст песни

• Тексты песен
• Июль
• Враги сожгли родную хату = Вордэм юртсэ фашист сутэм солэсь (М. Блантер — М. Исаковский)

............ Враги сожгли родную хату …
............ Вордэм юртсэ фашист сутэм солэсь …
............ Матвей Блантер — Михаил Исаковский
1. Вордэм юртсэ фашист сутэм солэсь,
Быдтэм быдэсак семьязэ.
Кытчы туннэ солдат пырыны кулэ?
Кинлы мадьыны кайгыронзэ?

Нуэм сюрес воже калленак со
Секыт-секыт сьöд кайгузэ,
Паськыт бусы дурын шедьтэм со
Кышноезлэсь шайгу вырзэ.

2. Вырӟылытэк, шыпыт сылэ солдат…
Сылэ бакмем кадь, гуньдыса.
Шуиз вал со: «Прасковья, пумита!
Ожысь бертӥ мон мöзмыса.

Ческыт сиён-юондэ дася тон,
Ӝöк вылэ пуктылы бусьтыр!
Дорад вуи тани, бертӥ мон
Тонэн ӵошен шумпотыны».
***

3. Но пумитаз öз вазьы нокин но,
Нокин öз поты пумитаз…
Шайгу вылысь нош турынэз веттаз
Шуныт гужем ыртöл гинэ.

Лулскиз солдат, лач тупатӥз езэ,
Шыпыт усьтӥз вуж ныпъетсэ,
Пуктӥз гулэн пурысь изэз вылэ
Курытвуэн ӟенеликсэ.
***

4. «Вождэ эн вай мыным, Прасковия,
Тазьы дорад вуи шуыса…
Юэм потэ вал тазалык понна,
Нош юисько – кулэм понна...

Туган-эшъёс пумиськозы ваче,
Нош асьмеос ум луэ ӵош…»
Ӟузиз ыргон куружкаысьтыз ожчи
Кайгуэныз шори – кудӟон.

5. Юиз ожчи, юиз калык ляльчи,
Шуиз, сюлмыз чигиськыса:
«Мон тон доры ньыль ар ӵоже лыктӥ,
Куинь кун-держава вормыса…»

Кудӟиз солдат, чур-р! синвуэз вияз –
Пöрмымтэез малпамезлэн…
Будапештэз басьтэм понна нош
Пиштӥз медаль дӥсез вылын.

Удмурт кылэ берыктӥз Ю.Разина


Июль еще тексты