Июль - Снег кружится (С. Березин - Л. Козлова) - удму. текст Ю. Разиной | Текст песни

• Тексты песен
• Июль
• Снег кружится (С. Березин - Л. Козлова) - удму. текст Ю. Разиной

Сергей Березин - Лидия Козлова
… … СНЕГ КРУЖИТСЯ
… … … …Ширъяса, бергаса…
… … … … … … Удм. текст Ю.Разиной
Туннэ нунал лумбыт ини лымыя.
Шыпыт бергаса лымыя.
Азьло но, тодӥськод на-а, быдэс улос лымы улын вал.
Со вал – асьмемыз тодматӥсь лымы.
Со чылкыт кагаз кадь ик, усиз азямы – тӧдьы-тӧдьы!
Соку малпай мон, асьмеос со вылын гожтомы
яратонмылэсь вероссэ.

Таӵе ик лымыё куазь, таӵе ик лымыё куазь
Асьме палан ӧй вал ни кемалась…
Лымы нош со сярысь чик ӧз тоды но ӧз вӧта,
Музъем тӧдьы-тӧдьы вал, чылкыт, чебер, испай!

Ширъяса, бергаса со усе но, пельскыса, пурӟытскыса,
Тол пелля, тол улля – ваньзэ-ваньзэ, мар вал, тон ӧвӧл дыръя.

Чылкыт лымы вылэ нош, чылкыт лымы вылэ нош,
Капчи усись чылкыт лымы вылэ
Тынад пытьыедлы туж кельшись пытьы выдэ но –
Сыӵе ик дӥсьтытэк но – сыӵе ик – лякытэн.

Ширъяса, бергаса со усе но, пельскыса, пурӟытскыса,
Тол пелля, тол улля – ваньзэ-ваньзэ, мар вал, тон ӧвӧл дыръя.

Улос весь тӧдьмаськоз на, улос весь тӧдьмаськоз на, –
Сактон инмын кема пиштытскытозь.
Нош мон весь оскисько на, нош мон весь оскисько на,
Лымы вылтӥ куке пытьыед дорам вуоз.

* * Ширъяса, бергаса со усе но, пельскыса, пурӟытскыса,
Тол пелля, тол улля – ваньзэ-ваньзэ, мар вал, тон ӧвӧл дыръя.

Нош та лымы, азьло сямен, кылле тӧдьы-тӧдьы, чылкыт кагаз кадь.
Мынам потэ, азьло сямен ик, мыныны кытчы ке бадӟым изкаретӥ тонэн ӵошен,
Нош таиз синпӧртмась лымы медаз луы вал асьмелэн люкиськонмы.

Ширъяса, бергаса со усе но, пельскыса, пурӟытскыса,
Тол улля, тол пелля – ваньзэ-ваньзэ, мар вал, тон ӧвӧл дыръя.


Июль еще тексты