Йорга Каче - Кушто лийынат | Текст песни

• Тексты песен
• Йорга Каче
• Кушто лийынат

Сл. Анжелы Белкиной,
Муз. Йорга Каче.

Мый шонышым мардеж
Вашлиймаш деч мыйым утара.
Мондалтын шокшо, ал кеҥеж,
Пырля вашлийме ӱжара.
Но юмо воштылеш:
Илышемын толкын шып лиймек,
Тый мый декем адак толнет.

Каласе кушто, кушто, кушто лийынат!
Молан адак пырля лияш тый шоненат?
Ынде ит шорт, ит йод, мод весын чонжо ден!
А мый чонемым пайленам
Вес ӱдыр ден,
Вес ӱдыр ден.

Мый самырык лийнам,
Шинча вӱд марте когаргенам -
Вет кӱлын омыл мый тылат –
Йӧратымаш ден модынат.
Ом сыре мый садак, –
Пиалетым весе ден муат,
Но тый кычал
Шке корно ден.

Каласе кушто, кушто, кушто лийынат!
Молан адак пырля лияш тый шоненат?
Ынде ит шорт, ит йод, мод весын чонжо ден!
А мый чонемым пайленам
Вес ӱдыр ден,
Вес ӱдыр ден.

Йорга Каче еще тексты