Казбек Джамбаев - Анам | Текст песни

• Тексты песен
• Казбек Джамбаев
• Анам

Музыка Казбека Джамбаева, стихи Азамата Суйюнчева.

Джокъдан бюртюк бар этиб,
Бауурунгда кёлтюрюб,
Бизни ёсдюрдюнг, ой, анам,
Акъ сютюнгю ичириб.

Суу агъачынг бойнунгда,
Сени урчугъунг къолунгда,
Кёзюнг къыймай сен бизни
Тюшюрюрге къойнунгдан...

Халибизге къайгъырыб,
Сескеклениб, сакъ болуб,
Бизни ючюн, ой, анам,
Къара чачынг акъ болуб...

Суу агъачынг бойнунгда,
Сени урчугъунг къолунгда,
Кёзюнг къыймай сен бизни
Тюшюрюрге къойнунгдан...

Заман чабыб, ой, анам,
Биз да сюрюб, джеталмай.
Джашау кетиб барады,
Сени разы эталмай.

Суу агъачынг бойнунгда,
Сени урчугъунг къолунгда,
Кёзюнг къыймай сен бизни
Тюшюрюрге къойнунгдан...

Мен сен берген къаламны
Къолгъа эртде алгъанма.
Бюгюнге дери сенге, анам,
Нек джыр джазмай тургъанма?

Суу агъачынг бойнунгда,
Сени урчугъунг къолунгда,
Кёзюнг къыймай сен бизни
Тюшюрюрге къойнунгдан...

Казбек Джамбаев еще тексты