Камаедзiца - Калi Змагу Ўбачыць Новы Свiтанак (Чалавек Планеты 2011) | Текст песни

• Тексты песен
• Камаедзiца
• Калi Змагу Ўбачыць Новы Свiтанак (Чалавек Планеты 2011)

КАЛІ ЗМАГУ ЎБАЧЫЦЬ НОВЫ СВІТАНАК

Прысядзь, паслухай, сябар,
Вось што думаў сказаць апошнім часам.
Пабыць з табою я хацеў сам-насам.
Але нагнаць не мог – заўсёды ты заняты.
Заўсёды ты знаходзіш справы,
Няма часу нам з табою падумаць аб душы.

Калі ты ўмееш кахаць – кахай наймацней,
Калі ты можаш жыць – жыві яскравей.
Нясі ў сабе дабрыню і любоў да ўсяго і да ўсіх.

Гадуй дзетак цэлы карагод вясёлы,
Сям’ю сваю не прамяняй.
Шкадуй і барані бацькоў і родных.
Яны ў цябе адныя, і ты ў іх адзіны.

Вось тут, здаецца, з табою разам
Бесперапынна шукаю сэнс ва ўсім.
І ў пошуку ісціны блукаю здаўна;
Не ведаю, што ёсць гэта «ІСЦІНА»,
Але шукаю яе, як сляпое кацяня.

У пошуку самога сябе
Сустракаю розных шмат вачэй;
У вачах гэтых – шукаю…
Як у люстэрка гляджу ў Сусвет.
Душа… Што гэта «я»?

Памылкі кожны робіць з нас.
Я не вучу цябе, я сам вучуся.
І больш сабе, чым вось табе,
Усё гэта я кажу.

Ведаеш, як быццам
Размаўляю сам з сабою.
Сярод палёў бяскрайніх я стаю,
Дзіўлюся і пяю.

Вось, мой дружа,
Мабыць, так яно тут ёсць.
Калі не – ты адкажы,
Жыць дзеля чаго?