камерный хор "Арион" - Дзеранты Лаврентийы зараг | Текст песни

• Тексты песен
• камерный хор "Арион"
• Дзеранты Лаврентийы зараг

Гуры дзандартæ куы рацæуынц —
Зилынц кæмтты цъалаты.
Гъей, мæ дуне,
Уæд зилынц кæмтты цъалаты.
Лаврент сæм рагъæй афтæ дзуры:
«Ме ’рдæм ма рацæут фалæты».
Гъей, мæ дуне,
«Ме ’рдæм ма рацæут фалæты».
Тыбылы-фырт æм афтæ дзуры:
«Æз абон мæ туг райсдзынæн».
Гъей, мæ дуне,
«Æз абон мæ туг райсдзынæн».
Дзераны-фырт æм афтæ дзуры:
«Ды мурдæр ницы райсдзынæ».
Гъей, мæ дуне,
«Ды мурдæр ницы райсдзынæ».
Тыбылы-фырт æй уæд куы фехста —
Йæ галиу фæрсты ацыди.
Гъей, мæ дуне,
Йæ галиу фæрсты ацыди.
Дзераны-фырт æй рагъæй рыхста,
Йæ рахиз цонг ныппырх и.
Гъей, гъей, гъей, мæ дуне,
Йæ рахиз цонг ныппырх и.
Дзандартæ Тыбылы-фыртыл фесты,
Лавренти та — тар хъæдмæ.
Гъейтт, мардзæ, ирон сахъ цæргæс,
Дзераны-фырт Лавренти.

камерный хор "Арион" еще тексты