Камилла Мурсалова - Лекьерин кь1уьл | Текст песни

• Тексты песен
• Камилла Мурсалова
• Лекьерин кь1уьл

И дуьнйада лезги кьуьлуьн
Кьакьанбур я гьунарар.
Гагь лепе я Каспи гьуьлуьн,
Гагь Къаф-дагъдин шагьварар.
Гъилер кьуна тик лувар хьиз,
Аялди кьуьл авурла,
Гадаяр чи – лекьер, картар,
Рушар – къветер, каруяр.
Дустарикай кьада парт1ар,
Душманриз кьаз паруяр.
Рак ачух я мугьманариз,
Лекьерин руьгь кьакьан я.

Цаваравай картар я чун
Чилеравай къветер я.
Ц1айлапанар, ц1аяр я чун,
Женгеравай лекьер я.
Лезги кьуьлуьн лувар я чун,
Чуьнгуьрдаллай симер я.
Цаваравай картар я чун
Чилеравай къветер я.
Ц1айлапанар, ц1аяр я чун,
Женгеравай лекьер я.
Гележегдиз чамар я чун,
Чибур лекьрен кьуьлер я.

Цавун аршда дем кутада
Картарини лекьери.
И дуьнйадик т1ем кутада
Лезги чилин кьуьлери.
Рагъ ял ягъиз хъфидайла,
Лекьрез нурар муг жеда.
Лекьери кьуьл ийидайла,
Къванерни кваз руг жеда,
Лекьре къармах, лув эцягъиз,
Алчуд жезва чилин шар.
Лезгинкадал кьуьл элягъиз
Хуррам жезва чи къастар!

Цаваравай картар я чун
Чилеравай къветер я.
Ц1айлапанар, ц1аяр я чун,
Женгеравай лекьер я.
Лезги кьуьлуьн лувар я чун,
Чуьнгуьрдаллай симер я.
Цаваравай картар я чун
Чилеравай къветер я.
Ц1айлапанар, ц1аяр я чун,
Женгеравай лекьер я.
Гележегдиз чамар я чун,
Чибур лекьрен кьуьлер я.