Каракат - Балапан қаз (Халық әні) | Текст песни

• Тексты песен
• Каракат
• Балапан қаз (Халық әні)

Бұл өлке — біздің ауыл жайлаған жер,
Желіге асау құлын байлаған жер.
Көзіме от-жалындай көрінеді,
Ебісіп құлын-тайдай ойнаған жер.

Қайырмасы:
Е-е-й, ахау сабаз,
Ұшырдым ұясынан балапан қаз.

Бұл өлке — біздің ауыл күздеген жер,
Қаракөз бойын сылап түзеген жер.
Көзіме от-жалындай көрінеді,
Қолаң шаш уәдесін үзбеген жер.

Қайырмасы:

Бұл өлке — біздің ауыл қыстаған жер,
Қайыңға кер жорғаны ұстаған жер.
Көзіме от-жалындай көрінеді,
Күлімкөз бір қызыққа бастаған жер.

Қайырмасы:
Бұл өлке — ата-бабам көктеген жер,
Қорамнан ақтылы кой кетпеген жер.
Көзіме от-жалындай көрінеді,
Алдымнан келін кесіп өтпеген жер.

Қайырмасы: