Каруан һарай (Илфак Смаков, Иҙрис Ғәзиев) - Ел, ерәнем /минус/ | Текст песни

• Тексты песен
• Каруан һарай (Илфак Смаков, Иҙрис Ғәзиев)
• Ел, ерәнем /минус/

Нәжип Иҙелбай һүҙҙәре,
Заһир Исмәғилев көйө

Ел, ерәнем, егетеңде
Еткер ел етмәҫ ергә.
Яланда түгел, яуҙа ла
Гел икәү булдыҡ бергә.

Менгән атым – Уң ҡанатым,
Һин батыр егет күрке, һай!..
Һинең менән елдәй елгән
Батыр егет – ил күрке.

Ҡолон саҡтан татыу үҫтек
Ирәндек итәгендә.
Ил саҡырғас, яуға киттек
Йәмле йәй иртәһендә.

Менгән атым – Уң ҡанатым,
Һин батыр егет күрке, һай!..
Һинең менән утҡа ингән
Батыр егет – ил күрке.

Беҙ ҡайттыҡ икәү иҫән-һау,
Яуҙа дошманды еңеп.
Һинең даның, Ирәндектау, –
Ерәнсәй менән егет.

Менгән атым – Уң ҡанатым,
Һин батыр егет күрке, һай!..
Һинең менән Яуҙа еңгән
Батыр егет – ил күрке!

Каруан һарай (Илфак Смаков, Иҙрис Ғәзиев) еще тексты