Касцюкевіч Ганна Сяргееўна, 1937 г.н., нар. в. Касарычы, Глускі р., з 1959 – в. Парэчча, Акцябрскі р. - Ой, у полю, ў полюшку не дым, не туман | Текст песни

• Тексты песен
• Касцюкевіч Ганна Сяргееўна, 1937 г.н., нар. в. Касарычы, Глускі р., з 1959 – в. Парэчча, Акцябрскі р.
• Ой, у полю, ў полюшку не дым, не туман

«Павучыцельная, для братоў»

Ой, у полю, ў полюшку не дым, не туман,
Дай у том жа полюшку трі палкі салдат. (2*)

Ой, у одным палку коні заржалі,
А у другім палку руж’я заз’ялі,

А у трэцім палку брат брата забіў,
Ён, забіўшы браціка, стаў лісты пісаць.

Ён, забіўшы браціка, стаў лісты пісаць:
– Пріедзь, пріедзь, маменька, сыночка хаваць.

Не пріехала маменька сыночка хаваць,
А пріехала маменька другого караць.

– Ой, не карай, маменька, ўсю праўду скажу:
Служылі мы, маменька, й у адном палку,

Служылі мы, маменька, й у адном палку,
Ўлюбілісь мы, маменька, ў адну дзевіцу,

Ўлюбілісь мы, маменька, ў адну дзевіцу,
Да збілісь мы, маменька, ў цесну уліцу.

То я яму, маменька, “дзень добрі” сказаў,
А ён жа мне, маменька, шапачкі не зняў.

Даўёў мяне, маменька, каплом зацапіў,
То я яму, маменька, галоўку зрубіў,

То я яму, маменька, галоўку зрубіў,
Да не журысь, маменька, добра схараніў.

Ой, заржалі конікі, его везучы,
Задрыжала земелька, его дзержучі,
Задрыжала земелька, его дзержучі,
Дай рідала дзевіца, іззаду йдучі,
Ох, рідала дзевіца, іззаду йдучі.

Зап. Глушэц І.В., Міронава В.А. у 2011 г.

Касцюкевіч Ганна Сяргееўна, 1937 г.н., нар. в. Касарычы, Глускі р., з 1959 – в. Парэчча, Акцябрскі р. еще тексты