Кацярына Ваданосава + Alta mente - Вясна | Текст песни

• Тексты песен
• Кацярына Ваданосава + Alta mente
• Вясна

Вясна
Аднойчы на досвітку, ціхай парой
Па вуліцах, плошчах, садах
Яна пройдзе маршавай цвёрдай хадой,
І горад абудзіць яна.
Яна не дазволіць нам спаць і сядзець,
Раптоўна ўвесь свет скалыхне,
І вуліцы здзіўлена будуць глядзець
На лёгкую постаць яе.

Бо гэта вясна, яе не стрымаць і не падзецца нідзе
Ад сонечных промняў, ад думаў і мар, і сэнтыментальных надзей.
Бо гэта вясна, яе не спыніць, ёй трэба паўсюды паспець.
І хочацца верыць, і хочацца жыць, і сонцу насустрач ляцець.

І людзям надоўга спакою няма
Увясну ад відна да відна.
А як жа іначай? Іначай ніяк,
Бо гэта, вядома, вясна.
І як і раней, у статысячны раз
Яна прайграе ізноў
І марш навальніц, і сонечны вальс,
І “Марсельезу” дажджоў.

Бо гэта вясна, яе не стрымаць і не падзецца нідзе
Ад сонечных промняў, ад думаў і мар, і сэнтыментальных надзей.
Бо гэта вясна, яе не спыніць, ёй трэба паўсюды паспець.
І хочацца верыць, і хочацца жыць, і сонцу насустрач ляцець.