"Крамбамбуля" - Госьці (Bel) | Текст песни

• Тексты песен
• "Крамбамбуля"
• Госьці (Bel)

Панаехала гасьцей зь іншаземных абласьцей.
Не, няправільна: гасьцёў зь іншаземных абласьцёў.
Вось прыехалі ўсе: містэр, пані, гер, месье,
Сi-сіньёра й мадам. Прахадзіце, гаспада.
Вось прыехалі яны: і паненкі, і паны
У край суворых катаклізмаў са сваіх капіталізмаў.

Госьці, госьці, госьці,
Хтосьцi ёсьць, няма кагосьці.
Госьці, госьці, госьці,
Хтосьці зь кімсьці, дзесьці штосьці.
Дзесьці штосьці...

Павялі тады мужчынаў мы ў музэй вайны айчыннай,
Павялі тады жанчынаў мы на каву капучына.
Усе па-рознаму балбочуць, капучыну піць ня хочуць,
А з музэю госьці ўпотай зьнесьлі пару кулямётаў.
Кажуць: "Гэта нам карысна ў змаганьнi з глабалізмам,
А яшчэ карысна нам самагонкі па сто грам."

Госьці, госьці, госьці,
Хтосьцi ёсьць, няма кагосьці.
Госьці, госьці, госьці,
Хтосьці зь кімсьці, дзесьці штосьці -
Гэта госьці.

Любяць госьці самагонку, маюць густ даволі тонкі,
Бо тэкіла, ром і віскі - гэта ўсё па-глабалістску.
Вось разьвітвацца ўжо час, што ж, чакайце ў госьці нас
І рыхтуйце там свае "Куантро" і "Драмбуйе".

Госьці, госьці, госьці,
Хтосьцi ёсьць, няма кагосьці.
Госьці, госьці, госьці,
Хтосьці зь кімсьці, дзесьці штосьці. (x4)
_____________________________________________

"Крамбамбуля" еще тексты