Крамбамбуля - Нам гарэлкi будзе мала | Текст песни

• Тексты песен
• Крамбамбуля
• Нам гарэлкi будзе мала

КРАМБАМБУЛЯ
«Нам гарэлкi будзе мала»

Гэй, рамалы, што вы, дзе вы?
Пачынайце вашы сьпевы
Пра жыцьцё, пра сьмерць, пра грошы,
Пра цэлы сьвет.

Льецца песьня ў нашы душы,
Хто быў слабы, будзе дужы.
Хто быў сквапны, будзе шчодры, -
Зьменяцца ўсе.

Пачынайце сьпеў, рамалы,
Нам гарэлкі будзе мала,
Мы нальем яшчэ сабе
Пякучы напой.

Заблішчыць сьляза на вейцы,
Хочаш, плач, а хочаш сьмейся,
Песьня ды гарэлка льецца, -
Вып’ем з табой!

Вып’ем раз і вып’ем дзесяць.
Хай ярчэй нам сонца сьвеціць!
Хай разгоніць вецер сьмецьце
З чыстай душы!

Засьпяваем, засьпяваем,
Аддамо ўсё, што маем,
У рукох не затрымаем
Грошы - грашы.

Тым, каго мы моцна любім,
Анічога не шкадуем,
І апошнюю кашулю
Здымем зь сябе.

Налівай паўней кілішкі!
Выпіць сёньня нам ня лішне,
Ну, а заўтра мы па-іншаму зажывем.

Эх, жыцьцёвая дарога!
Шчасьця шмат і гора многа
Будзе радасьць і трывога,
Будзе любоў!

Хай жа будзе ўсё што будзе,
Хай дыхнуць свабодай грудзі,
Хай ня будуць душы ў брудзе
Нашы з табой.