Къасбот Тамбиев и Аида Байрамукова - Джууабсыз сюймеклик | Текст песни

• Тексты песен
• Къасбот Тамбиев и Аида Байрамукова
• Джууабсыз сюймеклик

муз. и сл. Касбота Тамбиева

Бар эсе, бар эсе сюймеклик кёкню тюбюнде,
Джашайды, джашайды кёлюмде ол мени.
Барама, барама учханча джерни юсюнде,
Барама, барама аллынга мен сени.

Мийикден, кёкледен кюн да меннге ышыргъанча,
Нюрюн себелей, ол джарытады джерни.
Аллах да, адам да - бары меннге къууаннганча,
Барама, барама аллынга мен сени.

Тюбедим, тюбедим, джюрегим терк-терк ургъанды,
Кёзлерим сылайла бетинги, чачынгы,
Кюн да къубулгъанча бетин булут бла джабханды,
Сен сюйсенг, сакъларем ёмюрню къатынгы.

Къолладан тутайыкъ, учайыкъ биз джети кёкге,
Сени сюйгенме, сукъланама кесиме.
Джангызлыкъ, сансызлыкъ окъчады сюйген джюрекге,
Чакъырчын, чакъырчын, ариуум, кесинге.

Мийикден, кёкледен кюн да меннге ышыргъанча,
Нюрюн себелей, сени мыдах бетинге.
Саулай дуния, бары менге къууаннганча,
Къууаналмайма мен а кесим кесиме.

Джылыусуз къарамынг джюрегими ачытады,
Ай бла кюнден узакъ кёрюнед арабыз,
Джууабсыз сюймеклик джангызлыкъгъа чакъырады,
Оюлду бизни сюймеклик нюр къалабыз.

Эсимден кетмей, сен тюшлериме келесе,
Къолладан тутуб, учуб барабыз кёкге.
Тюшюмден сагъайсам, джокъ боласа да кетесе,
Къалыб кетгеем ме ол насыблы тюшде.

Тамблам да бюгюнча мутхуз тангны келтирликди,
Аллахны буйругъун бузаргъа джокъду мадар.
Билмейме, джазыуум къайры дери элтирикди,
Кюнден кюннге дуния кёрюнеди бир тар.

Билмейме, джазыуум къайры дери элтирикди,
Кюнден кюннге дуния кёрюнеди бир тар.

Къасбот Тамбиев и Аида Байрамукова еще тексты