Лявон Вольскі - Саўка ды Грышка. Газ | Текст песни

• Тексты песен
• Лявон Вольскі
• Саўка ды Грышка. Газ

Саўка:
Несматра на то, што мы брацья-славяне,
Цьвяток нашай дружбы скора завяне!
І вот тока ня нада з пазіцыі сілы.
Эта ўсё няпраўда, што мы не плацілі.

Грышка:
Гэта вынік палітыкі папярэдняй –
Мы цалкам у пастцы краіны суседняй.
Вось вам і сьвяты, вось вам парады,
Вось вам сэлектарныя нарады.

Саўка:
Дык што, у нас
Яны адключаць газ?!

Саўка ды Грышка:
Расея, зараза,
Ня хоча падзяліцца газам.
Быкуе, казьліцца,
Ня хоча газам падзяліцца.

Грышка:
Расея, вядома, таксама малойца, –
Ні з пушчы, ні з поля такое малоціць!
Але ж тая наша “вышэйшая ўлада”
Магла б і прадбачыць такія расклады.

Саўка:
Так вот вы какія, Дзіма з Валодзем!
Пляваць, мы тада на драва пераходзім.
Дзярэўяў у нас – як в балоце піявак,
Нас не запугаеш сьніжэньнем паставак!

Грышка:
Дык што, у нас
Яны адключаць газ?

Саўка ды Грышка:
Расея, зараза,
Ня хоча падзяліцца газам.
Быкуе, казьліцца,
Ня хоча газам падзяліцца.