Лявон Вольски Фольксваген Пассат универсал - дызель | Текст песни

• Тексты песен
• Лявон Вольски Фольксваген Пассат универсал
• дызель

Паў сьвіньні, мех бульбы, сала, самагон -
Што не зайшло ў багажнік, залезе ў салон.
Блокаў сілікатных поўненькі паддон -
Палову у багажнік, палову у салон!

Ты не кажы пра новенькiя джыпы.
Жыцьцё не мёд, якi базар-вакзал?
Але ў мяне выдатная машына:
Фальксваген Пасат-універсал,
Дызель!

Езджу як Шумахер ці амаль як ён -
Ну, крыху перашкаджае загружаны салон.
Там паў сьвіньні, мех бульбы, сала, самагон
І блокаў сілікатных поўненькі паддон.

Я сваю машыну ўрэшце разгрузіў,
Поўны бак саляркі ў Слоніме заліў.
Еду да палякаў - паліва прадам,
Грошы атрымаю, і назад айда!

Каму жанчына, а каму - мужчына,
Каму Версаль, каму - універсам.
А ў мяне шыкоўная машына -
Фальксваген Пасат-універсал,
Дызель!

На граніцы з Польшчай я заняў чаргу.
Калі ты папросіш, прапусьціць магу,
Заплаці мне роўна дваццаць пяць у.е.
I я тады спакойна прапушчу цябе.

Поўны бак саляркі полякам прадаў,
Грошы атрымаў і многа накупляў:
Паў сьвіньні, мех бульбы, сала, самагон.
Што не зайшло ў багажнік, залезла ў салон.

Вось так мы ўсе - сапраўдныя мужчыны,
Адказваю за тое, што сказаў.
Для ўсіх для нас найлепшая машына -
Фальксваген Пасат-універсал!

Вось так мы ўсе - сапраўдныя мужчыны,
Адказваю за тое, што сказаў.
Для ўсіх для нас найлепшая машына -
Фальксваген Пасат-універсал!
Дызель!