Лявон і Ганна Вольскія - “Парушыўшы законы прыцягнення...” (Аркадзь Куляшоў) | Текст песни

• Тексты песен
• Лявон і Ганна Вольскія
• “Парушыўшы законы прыцягнення...” (Аркадзь Куляшоў)

Парушыўшы законы прыцягненьня,
Планетамі сярод другіх планет
Існуем мы з табой як выключэньне.
Мая любоў, як сьвет і антысьвет.
Мая любоў, як сьвет і антысьвет.

Ніколі мы адной не ходзім сьцежкай,
Не дзелім хлеб і дзелім толькі соль.
Ты сустракаеш смутак мой уьсмешкай
I смуцішся, калі міне мой боль.
I смуцішся, калі міне мой боль.
I смуцішся, калі міне мой боль.

Адказваеш на мой сардэчны захад
Нязгодай, самай крыўднаю з нязгод.
Здаецца, павярніся я на захад,
Як тут жа ты павернешся на ўсход.
Як тут жа ты павернешся на ўсход.

Аднак зямля б мая асірацела
I ўвесь сусьвет ахутала б імгла,
Каб, выбухнуўшы раптам, адляцела
Ты ў невядомасьць з хуткасьцю сьвятла.
Ў невядомасьць з хуткасьцю сьвятла.
Ў невядомасьць з хуткасьцю сьвятла.

Парушыўшы законы прыцягненьня...
Парушыўшы законы прыцягненьня...
Парушыўшы законы прыцягненьня...