Ляна Ондур - Шагаада (Чаа чылда) | Текст песни

• Тексты песен
• Ляна Ондур
• Шагаада (Чаа чылда)

Чаа чылдың дүнезинде
Часты дагын сактыр чүмүл,
Бадып турар харлар безин
Баштайгы чаъс чагган дег-дир.
Кылаң,мөңгүн эртине дег
Хыраа шыпкан ыяш көргеш,
Чечектелген чодураалар
Сеткилимге чуруттунду.

Харжыгаш бооп ойнап турдуң
Хамык оолдар дакпыш тынып,
Хар хаан кызы даңгына деп
Хандыкшылдыг сөглеп турду.
Чүге чүве кылаң хевиң
Чүрээм чайгаар шимирт кылган
Келин болуп куда хевин
Кедип алган ышкаш болдуң.

Шагаа шагы кидин турда
Кундагалар кыңгырады,
Чагаай чаңчыл биске күзеп
Чадаганнар демиин катты.
Артыш,айдыс чыды ышкаш
Аас-кежик бүргеп алган
Аныяк-чаш чуртталгавыс
Алгап,йөрээп ырлажыылы.

Ховалыг Алдын-Чечек бижээн:)