Магомед Байрамуков - Ариуум | Текст песни

• Тексты песен
• Магомед Байрамуков
• Ариуум

Музыка Фатимы Токовой, стихи Байдымат Кечеруковой.

Сени кёргенлей бир сейир болдум,
Ёмюрюм сюйюб тургъанча!
Ол кюнден бери алай джашайма, -
Джюрегим санга ургъанча!

Сени, ариуум, мен алай сюеме, -
Кёзле джарыкъны сюйгенча,
Сени кёрмеген кюнлеримде уа
Болама саудан ёлгенча!

Припев:
Ариуум, сени алай сюеме, -
Къушла мийикни сюйгенча,
Къутургьан толкъун джагъагъа атхан
Чабакъ тенгизни сюйгенча!

Сууукъ кечеле къоймайла мени
Насыб тангыма чыгъаргъа,
Татлы умутдан кёпюр ишлейме
Арабызгъа джол ачаргъа!

Сени, ариуум, мен алай сюеме, -
Кёзле джарыкъны сюйгенча.
Къалай джетейим сени кёлюнге,
Сен да мени алай сюерча?!

Припев:
Ариуум, сени алай сюеме, -
Къушла мийикни сюйгенча,
Къутургьан толкъун джагъагъа атхан
Чабакъ тенгизни сюйгенча!

Магомед Байрамуков еще тексты