Магомед Кайтаев - Зуфарны джыры | Текст песни

• Тексты песен
• Магомед Кайтаев
• Зуфарны джыры

Стихи Исмаила Чыгырова.

Джашау джолума джолдаш этерге
Бир таулу къызны сюйдюм да,
Ол муратыма джеталмай, анам,
Джалынсыз отда кюйдюм да...

Джуукъларым къууаныб келдиле,
"Ой, болджал кюнюнг джетди", - деб...
Сюйген къызынга адам ийгенбиз
"Зуфар дуниядан кетди", - деб.

Ой, андан эсе къалгъаед, джашла,
Ол чыракъ, джаныб, джарытмай.
Келинни джолда къоюб барама,
Джарлы анама танытмай.

Заманла дженгил ётелле,
Этген болджалла джетелле.
Тоюма келген халал тенглерим,
Джылаб, джаназымы этелле.

Ой, андан эсе къалгъаед, джашла,
Ол чыракъ, джаныб, джарытмай.
Келинни джолда къоюб барама,
Джуукъларыма танытмай.

Заманла дженгил ётелле,
Этген болджалла джетелле.
Тоюма келген халал тенглерим,
Джылаб, джаназымы этелле.

Аллахдан сизге тилейме, тенглерим,
Быллай къыйынлыкъла кёрмегиз.
Къайынларын танымай къалгъан келинни
Экинчи былай эрге бермегиз.

Магомед Кайтаев еще тексты