Дуьххьарлера безам – сан деган 1ийжам,
Жимчохь бахна безам сан дагчу бижна,
Хьоьх вала хала ду цхьа хан д1а яллалц,
Хьоьх ваьлча дуьне дац велла д1а валлалц.
Алийша доттаг1ий хир вуй те цхьа а,
Дуьххьарлерчу безамо 1овжонза ша,
Хийла йо1 йелхи цо, б1аьра хиш а ледош,
Хийла к1ант вагий цо дагна чов йеш.
Ма даха, ма даха ахь даккхий синош,
Дуьххьарлерчу безамех хьо ваьлла бохуш,
Дог1ур ду, дог1ур ду малх кхетта денош,
Шозлаг1чу безамо хьан кийра багош.
Ма кхарда доттаг1ий безамаш бийца,
Безамах кхетар вац безам ца лайнарг,
И дерриг дахар ду хьох доьзна дериг,
Сом байлахь вити ахь хьайга сатийса.
(Текст добавила: http://vk.com/id206077072)
Майрбек Хайдаров еще тексты
Оценка текста
Статистика страницы на pesni.guru ▼
Просмотров сегодня: 5