Манҗрга Булһн / Б.Б. Манджуракова - Цернә Бууля | Текст песни

• Тексты песен
• Манҗрга Булһн / Б.Б. Манджуракова
• Цернә Бууля

Цернә Бууля
Дуулҗахнь Манҗрга Булһн

Зеегтә нүдтә гинә Цернә Бууля күүкнь
Зегсн, зегсн землянкднь орһулад бәәнә,/2д
Зегсн гинә землянкднь орһулад бәәхнь
Зегсн бәәх һазрурнь авҗ ирәд- лә бәәвә /2д

Манлаһасн һарсн гинә хойр гинә көвүнь,
Малан хәәҗ йовна гиһәд альвлад йовсн гинә. /2д
Малан хәәҗ йовна гиһәд альвлад бәәхнь,
Мана Цернә Бууляһан авхар йовсн бәәҗ – лә. /2д

Күрңтр -лә нүдтә гинә Цернә Бууля күүкнь,
Бүрүләснь авна гинә бийән менрәд бәәнә. /2д
Бүрүләснь йовад бийән менрәд бәәхнь,
Бийдән зөвлг хувцан өмсәд бийән менрәд бәәнә./2д

Арвхн долата Бууля гинә күүкнь,
Арл гинә хотнаснь орһад һарад бәәвә.
Арл, арл хотнаснь орһад һарад бәәвә.
Арл гинә хотнаснь орһад һарад бәәхнъ,
Амргчнь йорлв җирһличнь йорлв,
Амргчнь йорлв гинә, җирһличнь йорлв.

Теглг-лә нурһта Цернә Бууля күүкнь,
Телтр гинә хотнаснь орһад һарад бәәнә.
Телтр, телтр хотнаснь орһад һарад бәәнә
Телтр гинә хотнаснь орһад һарад бәәхнь,
Телтрчнь йорлв, теглгчнь йорлв, амргчнь йорлв, җирһличнь йорлв/2д