Марат Гобәйдуллин - Кушылдың син моңлы җырларыма (Энҗе Зиннәтуллина сүзләре, Марат Гобәйдуллин көе) | Текст песни

• Тексты песен
• Марат Гобәйдуллин
• Кушылдың син моңлы җырларыма (Энҗе Зиннәтуллина сүзләре, Марат Гобәйдуллин көе)

Pesni.guru - сайт для Гуру

КУШЫЛДЫҢ СИН МОҢЛЫ ҖЫРЛАРЫМА

Энҗе Зиннәтуллина сүзләре,
Марат Гобәйдуллин көе

Көтмәгәндә килеп син кушылдың
Күңелемдәге моңлы җырларыма.
Синең белән җырым әверелде
Болындагы чәчкә чыңнарына.

Кушымта:
Юлдаш булсын безгә уртак уйлар,
Тибрәлсен лә күңел кыллары.
Онытылмасын җырлар, авыр чакта
Юатсыннар кошлар моңнары.

Каршы алсын иде безне һәрчак
Сандугачлы ямьле иртәләр.
Атлаганда юлдан, очрасалар,
Ишелсеннәр таулар, киртәләр.

Кушымта:

Хисләребез үрелсеннәр кушылып,
Бакчадагы чәчкә-гөлләргә.
Чик куймыйк без, әйдә, янган утта
Йөрәкләргә ярсып дөрләргә.

Кушымта:

Источник: http://erlar.ru/node/2380