Махар Каракотов - Къарлы таула | Текст песни

• Тексты песен
• Махар Каракотов
• Къарлы таула

Муз. и сл. Махара Каракотова.

Къарлы тауладан, нарат чегетледен,
Минги Тауубуздан, Къобаныбыздан,
Къабарты-Малкъардан, Къарачай-Черкесден,
Мени багъалы сыйлы тенглеримден,

Къартдан, джашдан да эмда хар бир юйден
Саулай дуниягъа джылы "салам" бизден.

Припев:
Орайда, кёремисиз майна
Учадыла чуукъ кёкде къушла.
Ол сейир табигъатгъа ушай,
Таурухдача, джашайды Къарачай.

Бизни джерибизни бир келиб, кёргенле
Джерни джети этегинден келелле,
Хауа блай солуй, нарзан, айран иче,
Джюрек ауруулу болуб кетелле.

Таулагъа къараб, Аллахдан тилейле:
"Энтда келирча Сен насыб бер бизге".

Припев.

Бир болайыкъ, акъыл, кюч джыйайыкъ,
Келген къонакъны бурунча сыйлайыкъ.
Къыбылагъа айланыб, малланы сояйыкъ,
Ашайыкъ, ичейик, тебсейик, ойнайыкъ.

Бир бирибизни тансыкълай джашайыкъ,
Ата джуртубузну сыйын тутайыкъ.

Припев.

Заман джетиб, кетсек джарыкъ дуниядан,
Уялмазча къартладан, туудукъладан,
Сен джунчуб къалма, алан, дуния малдан,
Сенге тылпыу, сан берген Уллу Аллахдан.

Кетген аман айтмазча хар инсан,
Миллетинг разылыкъ берсин ызынгдан.

Припев.

Махар Каракотов еще тексты