Мейрамбек Бесбаев - Құс қанат ғұмыр (2013) | Текст песни

• Тексты песен
• Мейрамбек Бесбаев
• Құс қанат ғұмыр (2013)

Өмiрдiң мәнiн кiм бiлген
Бiр күнiм ұқсас бiр күнмен
Таң атса күннiң батарын
Бiлсем де бейқам жүрдiм мен
Тағы да мiне, таң атты
Шапағын тегiн таратты
Манаурап естi жиғанша
Масайрап мезгiл барады

Қ-сы:
Таң атса болды, күн батты
Ұршығын мезгiл зырлатты
Құс қанат менiң ғұмырым
Қанатын тағы бiр қақты

Тұсаудай тұтам тiрлiкте
Тентiреп текке жүрдiк пе?!
Жойылып жерден кетер ме ек
Жобасы түскен бiр нүкте
Не алдым елге, не бердiм
Өтеусiз бе едi келер күн
Қырандай баулып өсiрген
Халқыма ендi не дермiн?!