Ҡулдарыма башың ҡуйғас
Ниңә көрһөндөң икән,
Мин түгелме ғүмер буйы
Һине һағынып көткән?
Ҡушымта:
Яҙҙар бүләк итәм һиңә –
Мин яратам яҙҙарҙы,
Яҙҙар ап-аҡ сәскә итер
Сәсеңдәге ҡарҙарҙы.
Ҡар яуған сәсеңдән һыйпап
Ҡараным күҙҙәреңә.
Шунда ғына көрһөнөүҙең
Төшөндөм серҙәренә.
Ҡушымта.
Яурыныңдан йомшаҡ ҡына
Ҡағайымсы иркәләп.
Көн элгәре көйөнмәй тор -
Ҡартайырға иртәрәк.
Ҡушымта.
Статистика страницы на pesni.guru ▼
Просмотров сегодня: 1