Минавар - Задты чындзахсав...БУЦ ЧЫЗГ МАДИНА | Текст песни

• Тексты песен
• Минавар
• Задты чындзахсав...БУЦ ЧЫЗГ МАДИНА

'Фсатийы буц чызг Бæдзинæ,
Уымæй рæсугъддæр кæм уыд.
☺Иу бон йæм йе 'мсæр зæдтимæ
Уастырджи курæг фæзынд.☺ (2 хатты)

Барджыты цин æмæ дугъæй
Кæрдæг æмризæджы рызт,
☺Уастырджи урсбарц æфсургъæй
'Фсатийы дуармæ æрхызт.☺ (2 хатты)

Мадыдзуар хурварс кæм бадти,
Зæдтæ уым сарæзтой хъазт.
☺Уазджытæм зæронд Æфсати
Мидбылты худгæйæ каст.☺ (2 хатты)

Разгæмтты рацыд Бæдзинæ,
Диссаг йæ бакаст, йæ конд.
☺Зæдтæ сæ ног чындзы цинæй
Систой сæ зарæг бæрзонд.☺ (2 хатты)

Циндзинад зарæгæй кадджын,
Йе 'гъдауæй намысджын лæг.
☺Елиа - чындзы æмдзуарджын,
Уацилла - къухылхæцæг.☺ (2 хатты)

(Симынц нæртон симдæй, зæдтæ,
Цуайнæгты нард фыд нæрсы.
Рог дымгæ арвы бæрзæндтæм
Фæндыры зæлтæ хæссы.)☺

Бон æмæ æхсæвы арæн
Мæйæ фæлмæн рухс кæлы.
☺Зруджы зæрин Мады Майрæм
Зæдты фæндараст кæны.☺ (2 хатты)

Уыцы бон Иры цы 'гъдау уыд,
Уый нæ чындзæхсæвты уæд.
☺Цард нæ йæ сыгъзæрин науыл
Амонды фурдмæ хæссæд.☺ (2 хатты)

Уыцы рæсугъд боны хъармæй
Зæхх цыма хъарм у ныр дæр.
☺Зæдтæ 'мæ дауджыты фарнæй,
Ирыстон, цæр æмæ цæр.☺ (2 хатты

Минавар еще тексты