Минус-2 - Кавто килейть | Текст песни

• Тексты песен
• Минус-2
• Кавто килейть

КАВТО КИЛЕЙТЬ

1.Кавто килейть тинге лангсо
Ваныть менеленть пелев.
Эсь ютковаст эзть пелькстакшно,
Конась касы икелев.
Вейсэ шумбрачи пурнакшность
Вий Масторавадонть сайсть.
Эрьва ёнов сюконякшность
Ды аволь беряньстэ кассть.

Мороюткось:

А шождыне, эрямс а шождыне,
Но эрямось а стяко максозь.
Кавто килейть,
Кавто килейть тинге лангсо,
Кавто килейть, а пингесь вейке.

2.Зыянтнэде ульнесть ламо,
Чавсь сынст якшамо вармась.
"Пингесь а стяконь якамо,-
Вечкевикс ялгась кортась,-
Минь вармадонть виевтяно,
Минек ламо паронок.
Даволтнэде а пельтяно.
Трясынек эйкакшонок".

3.Сырелгавтызь сынст иетне,
Шкась пек куроксто ютась.
Сынст икеле килейнетне
Парсте вейсэ мазылгадсть.
Сыретне, кода тонадовсь,
Зорядо икелев стить.
Пиземеде ды вармадо
Эсь эйкакшост сынь ванстыть.

Минус-2 еще тексты