минус - Шумбрат авай | Текст песни

• Тексты песен
• минус
• Шумбрат авай

ШУМБРАТ, АВАЙ
валтнэ Александр Дёмкинэнь

Шумбрат, авай! Кода эрят-аштят?
Мезе теят, мезе ланга арсят?
Маринь штердят, вальма ало кодат,
Чаво кудосо ськамот аварьдят.
Ледстнят, налксинек минь луга лангсо,
Вирьстэ усксинек пенгть алашасо,
Тикшес яксинек валскень зорява,
А ней моравтат, ванат вальмава.

Тетявтомо лиядынек рана,
Довакс кадовить тон од порава.
Эзить кеме, ютавтови се шкась,
Минь кастано, учови те порась.
Минь касынек, куроксто ютась шкась,
Нилестэнек кияк вакссот арась.
Тонавтнинек ды туинек ошов,
Чуросто пачколетяна кудов.

Кода, авай, кода ськамот эрят?
Мезе теят, кода эсь прясот трят?
Ломань пельде паро кулят марят,
Пазнэнь ознат - тенек паро арсят.
Течи таго лисьма лангов лисят,
Верьга яксяргт ливтить, а тон арсят:
«Кизэсь ютась, сыргасть лембе ёнов», -
А тон учат эйкакшосот кудов.

минус еще тексты