Мирослава Копинец, Александр Садварий - Ратор чиресэ | Текст песни

• Тексты песен
• Мирослава Копинец, Александр Садварий
• Ратор чиресэ

Ратор чирева, шукшторовт касыть
Ведесь кепедевсь, ютамс а максы.
Ютамс а максы, калавтозь сэдесь,
Печказонь торось, пштилгавтозь, мендязь.

Печказонь торось, ушмантнэнь нуи,
Эрзянь Масторов, сась Инегуесь.
Сась Инегуесь, кемнилее прянзо,
Сась Бату ханось –ялакст перьканзо.

Инеэркева комболкстнэ киштить
Эрзянь алятне, ожат илиштить,
Ожат илиштить, тюреме тердить
Пургазонь вайгель, каятотсь верде:

-«Ордась узерьтнесэ а кардови,
Модамок вийсэ ней а ванстови,
Ванстови Раськесь, коензэ стявтсы
Эрзянь Масторонть мекев велявтсы».

Омбоце чистэнть, тикшетнень мерьказь,
Стясть Колмо Тёжат штатолонть перька,
Стясть Колмо Тёжат, Пургазонь чирязт,
Чатьмони эрькесь, каштмоли виресь.

Ашосо тёжась, те аваломанть,
Сонзэ тевезэ –раськень ванстомань.
Омбоце тёжась якстере тюссо
Авань идемас виензэ путсы.

Колмоце тёжась –кежень пандомань ,
Сон а велявты, кудов удомо!
Колмоце тёжась, раужос артозь,
Туи тюреме ордатнень марто.

Ратор чирева каштмоли виресь,
Тынь косотадо, Пургазонь чирязт?

Боляень Сыресь Свалатянь ёвтнеманзо кувалт.
01.06.2014 Кев Ош.


Мирослава Копинец, Александр Садварий еще тексты