Михаил Чухран - Чистота языка | Текст песни

• Тексты песен
• Михаил Чухран
• Чистота языка

Засмітили, як полова, наш язык чужі слова!
Вже трусы не будюговы, вже башка - не голова!
Памперс, олбі, тампакс, снікерс, з сим ся звыкли мы давно,
И п‘єме заморськый лікер, а не рудьньоє вино.

Та й п‘єме го із стакана, а не просто з погара!
Вже не курва - ай путана, в ниї отвір - не діра.
Легіня же не по-руськы обозвали - джентельмен,
В ногавіцьох замість пуцьки, джентельмены носять хрен.

Курті гаті вто є шорты, а без гатю - вто є "ню".
Не повірите, до чорта, хрю-ю-юша кажут на свиню.
Цицьколайбик - то є ліфчик, а маржина - вто є скот.
Намащений мастьов хлібчик, не хоть што - ай бутерброд!

Вже не тягнут гроші з жеба - хаплют баксы з портмоне.
Може так оно і треба - най прогрес нас не мине!
Може так оно май файно, і най клеиться ги клий.
Замість фрази "добре, айно", говорити - "yes, ok".

Най узнают всі народы, руснакы - не простакы!
Не лиш ліс у нас і воды, ай усякі языкы!
Ей, як зайдеме в Європу, я тя имлю, не забудь,
Не за задницю - за попу, не за цицьку - а за грудь!

Упувім на шури-мури "дєре_ме_на_рекоме"!
До высокої культуры різко мы досягнеме!
Так высоко, што й недовер камінь в нас якый герой! Сим кончаю, всьо! game over! Viszon Látásra! Ahoj!

Михаил Чухран еще тексты