Мөлдір Махмудаева - "Бақыт деген" С. Балтабаев | Текст песни

• Тексты песен
• Мөлдір Махмудаева
• "Бақыт деген" С. Балтабаев

Бақыт деген...

Бақыт деген-адам болып жүргенің,
Бақыт деген-қуанғанда күлгенің.
Бақыт деген-иманы бар пенде боп,
Сыйлы болып,шынайы өмір сүргенің.

Бақыт деген-ақыл кеңес бергенің,
Ата анаңның қадірін ұғып білгенің.
Бақыт деген-қысылғанда достарың,
Алып-ұшып алғаш болып келгенің.

Бақыт деген-ана сүтін емгенің,
Мейірімді алақанын көргенің.
Бақыт деген құлшылық етіп Аллага,
Құран кәрім кітабына сенгенің.

Бақыт деген-төре болса төрдегің,
Жайлы болса жамбасыңда жөргегің.
Бақыт деген-сабырлықпен қашанда,
Қиын қыстау кезеңдерді жеңгенің.

Бақыт деген-адал жарың көркемің,
Жел күндері бағыт берер желкенің.
Бақыт деген-жанұя болу үлгілі,
Балаларың болашағың ертеңің.

Бақыт деген-орыныңды білгенің,
Бұл өмірде пенде болып жүргенің,
Халқың үшін еңбек етіп аянбай,
Елің үшін,жаныңды беріп өлгенің.

Бақыт деген-аналардың жүрегі,
Аман болса ұл қыздары тірегі,
Берекелі тыныш болса ошағың,
Бақыт деген-шаңырақтан кіреді.

Бақыт деген-амандығы қазақтың,
Болғандығы бағымызда азат күн,
Бақыт деген-басың тиіп сәждеге,
Аулақ болу қорлығынан тозақтың!!!

Самал Балтабаев Таңбайұлы