Гуру ПесенМолитва об избавлении от недуга пьянства. Величание Пророку Иоанну Предтече. 11.09.2016 - Праздник Усекновения главы Пророка Иоанна Предтечи. 11.09.2016 | Текст песни
Владыко Господи, сотворивый человека по образу Твоему и по подобию, и Духа Святаго тому даровавый! Избави падшее создание Твое от работы вражия, отверзи ему двери покаяния, ангела светла посли ему, избавляюща от всякаго навета вражия. Услыши, Боже, припадающих к Тебе в скорби и печали и не отврати лица Твоего от одержимых пагубными страстьми (винопития, наркомании, ...), но даждь им крепость, надежду, веру, произволение благое утверди и приведи их ко спасительному воздержанию, попали терние согрешений вольных и невольных, да вселится в них благодать Твоя, просвещающая и очищающая всего человека. Исцели их от тяжких страстей (пиянства, наркомании, ...), свободи от омрачения духовнаго и окаменения сердечнаго. Даруй им здравие душевное и телесное, направи на путь трудолюбия и благочестия. Услыши, Милостивый Господи, вопль родителей и сродников, плачущих о чадех и ближних своих. Твое бо есть еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно, и во веки веков.
Величание пророку Иоанну Предтече:
Величаем тя, Крестителю Спасов Иоанне, и почитаем вси/ честныя твоея главы усекновение.
Статистика страницы на pesni.guru ▼
Просмотров сегодня: 1