Московский Сретенский монастырь - Великое славословие | Текст песни

• Тексты песен
• Московский Сретенский монастырь
• Великое славословие

Слава в вышних Богу, и на земли мир, в человецех благоволение. Хвалим Тя, благословим Тя, кланяем Ти ся, славословим Тя, благодарим Тя, великия ради славы Твоея. Господи, Царю Небесный, Боже Отче Вседержителю, Господи, Сыне Единородный, Иисусе Христе, и Святый Душе. Господи Боже, Агнче Божий, Сыне Отечь, вземляй грех мира, помилуй нас; вземляй грехи мира, приими молитву нашу; седяй одесную Отца, помилуй нас. Яко ты еси един Свят, ты еси един Господь, Иисус Христос, во славу Бога Отца, аминь.
На всяк день благословлю Тя, и восхвалю Имя Твое во веки, и в век века.
Сподоби, Господи, в день сей без греха сохранитися нам. Благословен еси, Господи, Боже отец наших, и хвально и прославлено Имя Твое во веки, аминь.
Буди, Господи, милость Твоя на нас, якоже уповахом на Тя. Благословен еси, Господи, научи мя оправданием Твоим.(Трижды)
Господи, прибежище был еси нам в род и род. Аз рех: Господи, помилуй мя, исцели душу, яко согреших Тебе.
Господи, к Тебе прибегох, научи мя творити волю Твою, яко ты еси Бог мой: яко у Тебе источник живота, во свете Твоем узрим свет. Пробави милость Твою ведущим Тя.
Святый Боже, Святый Крепкий, Святый Безсмертный, помилуй нас (Трижды)
Слава Отцу, и Сыну, и Святому Духу, и ныне и присно, и во веки веков. Святый Безсмертный, помилуй нас.
Святый Боже, Святый Крепкий, Святый Безсмертный, помилуй нас.

Московский Сретенский монастырь еще тексты