Мроя - Віно i хлеб (Live) | Текст песни

• Тексты песен
• Мроя
• Віно i хлеб (Live)

Вільгаць шэрых сьцен, ды халодны цень,
Ды няпэўная туга.
Старажытны брук, дым заводзкіх труб,
Саслабелая рука...
За вакном відно толькі ўсё адно,
На душы цямрэчы сьлед.
У пакоі дым, мы ў вакно глядзім,
На стале віно і хлеб.

Заваконны край - індустрыйны рай,
Ды ў аблоках небакрай.
Пакаёвы дым, шэры дым нуды,
Шэры пах былой бяды.
Не шукай шляхоў, каб вярнуць ізноў
У мінулае білет.
Ёсьць у нас з табой паўцьмяны пакой,
На стале віно і хлеб.

Глыток віна і луста хлеба -
Мая надзённая патрэба.
Глыток віна і луста хлеба -
Зямлі і неба дар!

Гэй!
Не кажы пагроз і ня лай свой лёс,
Я пакуль што не сасьлеп!
Час даўно прысьпеў, будзе новы сьпеў,
Покуль ёсьць віно і хлеб!

Глыток віна і луста хлеба -
Мая надзённая патрэба.
Глыток віна і луста хлеба -
Зямлі і неба дар!

Гэй-гэй-гэй!
Глыток віна і луста хлеба -
Чароўны дар зямлі і неба!
Глыток віна і луста хлеба -
Мой найкаштоўны скарб!

Дзякуй!

Мроя еще тексты