Гуру Песен Популярное
А Б В Г Д Е Ж З И К Л М Н О П Р С Т У Ф Х Ц Ч Ш Э Ю Я
# A B C D E F G H I J K L M N O P Q R S T U V W X Y Z

МС Инсан - Тормош китабы | Текст песни


Эй-а, тормош китабы - үткәндәрҙе иҫләйем, yeah
Урал-тау: ике өй араһында үҫкәнем - уау,
Ун бер йыл буйы интернат иҙәнен тапау.
Аҙаҡ Белореттан баш ҡалабыҙ Өфөгә килеп, БДУ-тау:
Студент ролен уйнау, yo.
Эй, товарищь журналист, һин минең турала нимә һөйләйһең,
Һин бит минең менән нимә булғанын да белмәйһең.
Нисек минән бармаҡ күрһәтеп көлдөләр:
"Һей, рэпер, уо, ыштандарыңды күтәр..."
Булды, етәр, ул көлөүҙәргә төкөрҙөм,
Ыштанды күтәрҙем, мин бит түгел бер үҙем.
Тыуа һүҙем, көйөм, нисек беләм, шулай йырҙар яҙам,
Яҙам да ул тик үҙем уйҙарға батам...
Йырҙарым, уйҙарым, һағышлы көйҙәрем,
Йөрәгем түренән сыҡҡан төрлө һүҙҙәрем,
Әгәр китеп барһам, улар ҡайһы яҡҡа осорҙар,
Нисә генә көндә йырҙарымды оноторҙар...

Ҡушымта:
Көндәрем көҙгө япраҡтар кеүек ҡойола,
Бында елдәр иҫә һәм ямғырҙар яуа.
Ләкин йөрәгемде минең ҡояшҡайым йылыта,
Тимәк, алға, атларға тик алға!

Әллә рэпер тигәс тә... ижади эштәр бармай,
Радио "Юлдаш" минең йырҙарҙы йырлатмай,
"Йәшлек-шоу" миңә номинация бирмәй,
Мин йондоҙ түгел, миңә улар кәрәкмәй.
Миңә бөтә кәрәклеген Алла Тәғәләһе биргән,
Ҡустым йырҙарымды маҡтаһа, шуныһы еткән.
Башҡортостан шоу-бизнес йырҙарын яратып тыңлай,
Крутой рэпер Илмир Моратов янында ла тормайым...
Уйлайым, үткән көндәр-йылдарымды иҫләйем,
Берәүһе тураһында ла йәлләмәйем.
Сөнки һәр ваҡиға үҙенең ролен уйнаны,
Төрлөһө булды - күп нәмәне аңланым.
Минең артта ҡалды күп тартылған тәмәкеләр,
Усаҡ янында кисәләр, эсеп бөтөлгән шешәләр.
Бөтмәҫ байрамдар... Улар артта ҡалды,
Сөнки иман килде, ул мине ҡотҡарҙы, yeah!
Ҡушымта.

Yeah, мин Инсан, уо! 2007!..

Статистика страницы на pesni.guru ▼
Просмотров сегодня: 1
Популярное сейчас
Видео
Нет видео
-