Муж. хор СПб Подворья монастыря Св.-Введенская Оптина Пустынь - Тебе одеющагося светом (стихира Великой Пятницы, болгарский распев) | Текст песни

• Тексты песен
• Муж. хор СПб Подворья монастыря Св.-Введенская Оптина Пустынь
• Тебе одеющагося светом (стихира Великой Пятницы, болгарский распев)

Тебе одеющагося светом яко ризою,
снем Иосиф с Древа с Никодимом,
и видев мертва нага непогребена,
благосердный плач восприим,
рыдая глаголаше:
увы, увы мне, сладчайший Иисусе!
Егоже вмале солнце на Кресте
висима узревшее, мраком облагашеся,
и земля страхом колебашеся,
и раздирашеся церковная завеса;
но се ныне вижу Тя, мене ради
волею подъемша смерть.
Како, како погребу Тя, Боже мой?
Или какою плащаницею обвию?
Коима ли рукама прикоснуся
нетленному Твоему Телу?
Или кия песни воспою
Твоему исходу, Щедре?
Величаю страсти Твоя,
песнословлю и погребение Твое
со Воскресением, зовый:
Господи, слава Тебе.