Мужской хор Подворья Троице-Сергиевой Лавры - Антифон 7 - "Емшим Тя беззаконным..." | Текст песни

• Тексты песен
• Мужской хор Подворья Троице-Сергиевой Лавры
• Антифон 7 - "Емшим Тя беззаконным..."

Антифон 7. Глас 8:

Емшим Тя беззаконным, претерпевая, сице вопиял еси, Господи: аще и поразисте Пастыря и расточисте дванадесять овец, ученики Моя, можах вящше, нежели дванадесять легеонов представити Ангелов. Но долготерплю, да исполнятся, яже явих вам пророки Моими, безвестная и тайная: Господи, слава Тебе.

Трищи отвергся Петр, абие реченное ему разуме, но принесе к Тебе слезы покаяния: Боже, очисти мя и спаси мя.

Слава, и ныне:

Яко врата спасительная и рай красный, и света присносущнаго облак, сущую Святую Деву воспоим вси, глаголюще Ей, еже радуйся.