Мы выйдзем шчыльнымі радамі - Музыка: Уладзімер Тэраўскі; верш: Макар Краўцоў | Текст песни

• Тексты песен
• Мы выйдзем шчыльнымі радамі
• Музыка: Уладзімер Тэраўскі; верш: Макар Краўцоў

Мы выйдзем шчыльнымі радамі
На вольны родны свой прастор.
Хай воля вечна будзе з намі,
А гвалту мы дамо адпор!

Няхай жыве магутны, смелы
Наш беларускі вольны дух;
Штандар наш бел-чырвона-белы,
Пакрыў сабой народны рух!

На бой! За шчасце і за волю
Народу слаўнага свайго!
Браты, цярпелі мы даволі.
На Волю! — усе да аднаго!

Імя і сілу беларуса
Няхай пачуе й бачыць той,
Хто смее нам нясці прымусы
I першы выкліча на бой.

Браты, да шчасця мы падходзім:
Хай гром грыміць яшчэ мацней!
У крывавых муках мы народзім
Жыццё Бацькоўшчыны сваёй!

Мы выйдзем шчыльнымі радамі еще тексты