Надежда Уткина - Лулгур_Лемлет малпанэ(Розовые | Текст песни

• Тексты песен
• Надежда Уткина
• Лулгур_Лемлет малпанэ(Розовые

Ӵукна возь вылэ васькыса,
Адӟи италмас сяськаез.
Лемлет италмас но будэ вылэм
Ӝужыт вож-вож турынын.

Эн пӧя, сюлмы,
Эн оскы солы,
Лемлет италмас,
Лемлет италмас сяськалы.

Ӵукна возь вылэ васькыса,
Кылӥ тюрагай куараез.
Лемлет тюрагай но кырӟа вылэм
Шулдыр гужем гуръёсын.

Эн пӧя, сюлмы,
Эн, эн оскы солы,
Лемлет тюрагай,
Лемлет тюрагай гуръёслы.

Ӵукна возь вылэ васькыса,
Егит нылмуртэз пумитай.
Лемлет дэремен, лемлет айшетэн,
Йыраз буртчин кышетэн.

Егит дауре,
Лемлет малпанэ,
Лемлет ке но со,
Лемлет ке но со, ӟаректэ.

Ӵукна возь вылэ васькыса,
Чылкыт ошмеслы мон пайми.
Кезьыт ошмеслэн шуныт вуэныз
Буйгаз лемлет малпанэ.

Тон оскы, сюлмы,
Чылкыт ошмеслы.
Кезьыт вуэныз,
Кезьыт вуэныз шунтӥськы.


Надежда Уткина еще тексты