Не известно - Түңәрәк таҡмаҡтары | Текст песни

• Тексты песен
• Не известно
• Түңәрәк таҡмаҡтары

Йәйҙең матур кистәрендә
Беҙ киләбеҙ уйнарға
Күңел асып ял итергә
Уймалы һыу буйына

Һай, туғай,туғай,туғай
Туғайҙа һайрай турғай
Һаман шулай һайрай турғай
Беҙгә һоҡлана буғай.

Түңәрәктә уйнағанда
Әйләнеп йырлағанда
Түгелә йөрәк серҙәре
Шишмәләй ҡайнап унда.

Һай, шишмә,шишмә,шишмә
Һыуы һалҡын күп эсмә
Эштә ялҡын кеүек эшлә
Бер кемгә лә бирешмә.

Кил яныма бир ҡулыңды
Әйҙә уйнайыҡ бергә
Уйнайыҡ та, йырлайыҡ та
Моң тулһын күңелдәргә.

Һай, ҡумыҙ,ҡумыҙ,ҡумыҙ
Ҡумыҙҙары сыңлаһын
Тыпырлатып бейемәйсә
Күңелдәре булмаһын.

Һай, туғай,туғай,туғай
Туғайҙа һайрай турғай
Һаман шулай һайрай турғай
Беҙгә һоҡлана буғай.


Не известно еще тексты