Новае неба - Чаканьне Калядаў (1996) | Текст песни

• Тексты песен
• Новае неба
• Чаканьне Калядаў (1996)

А мы чакалi Калядаў з маленства
I нiяк не маглi дачакацца.
Тату трэба было на работу,
Мацi трэба было на працу.

А Гагарын ляцеў на ракеце
Па-над нашым дваром ды садам.
Мы глядзелi у пасьлед са зьдзіўленьнем,
Мы мiжволi чакалi Калядаў.

Мы увосень падпальвалi лiсьце,
Мы узiмку хварэлi на глянды.
I прыклаўшы далонi да вуснаў
У цямрэчы чакалi Калядаў.

Мы пiсалi ў школе дыктоўкi,
Нас вадзiлi глядзець на парады.
Прафсаюз дадаваў карамэльку,
Мы бралi i чакалi Калядаў.

Нам даводзiлi, хто мы i што мы,
Нас вучылi выконваць загады.
Нам казалi, ды мы і ня чулi,
Мы употай чакалi Калядаў.

Мы рабiлi высновы хутка,
Мы павольна сьпявалi баляды.
Мы назлосьць валасы расьцiлi
I ўпарта чакалi Калядаў.

Што з таго, што ўсё гэта зьнiкла,
Быццам бурбалкi ад лiманаду.
Засталiся сям'я ды дзеткi,
Засталося чаканьне Калядаў.

Засталiся сябры ды праца,
А адзiн, дык "вабшчэ" у Канадзе.
Мы на сьвята дашлем паштоўку,
Будзем разам чакаць Калядаў.

Позна ўвечары посуд памыты
I пакiнем, каб сохнуў, на тацы.
Мы чакалі Калядаў з маленства
I ня можам нiяк дачакацца.

Новае неба еще тексты