Гуру ПесенНовомученикам и исповедникам - Стихиры на Господи воззвах... | Текст песни
Рaдуйтеся, новомученицы и исповедницы Российстии, правослaвных удобрение, новозаклaннии aгнцы, веры поборницы и хранителие, ходaтаи о нас к Богу непостыднии, в лета последняя страдaньми подражaтели первым мучеником явистеся, терпения столпи непоколебимии, душaм нaшим испросите велию милость
Радуйтеся, страстотерпцы славнии, стопам последующе древних мученик, веры ради подвизастеся твердо в лютая времена земли нашея, и ныне всех подвизаете к славе и хвалению Бога, укрепльшаго ваше немощное естество и обогатившаго вас дарованьми Духа, во спасение душ наших.
Глас и подобен тойже: Творение святителя Афанасия Ковровскаго.
Приидите, Небеснии предстателие наши, к нам, вашего чающим милостивнаго посещения, и избавите озлобленныя мучительскими прещении и лютаго неистовства неверных, от нихже, яко пленницы и нази, гоними есмы, от места на место часто преходяще и заблуждающе в вертепех и горах. Ущедрите убо, прехвальнии, и даруйте нам ослабу, утолите бурю и угасите еже на ны негодование, Бога моляще, подающаго вами Земли нашей велию милость.
Ины стихиры новомучеником, глас 6. Подобен: Все отложше:
Святителю отче Тихоне, архипастырю многострадальне, ты в годину лютых безбожных гонений верная чада Церкве Российския, утешая, призывал еси за Христа и веру Православную мужественне стояти, сам же, по вся дни умирая за паству твою, исповедник непоколебимый явился еси. Сего ради тя с любовию прославляем.
Новомученикам и исповедникам еще тексты
Статистика страницы на pesni.guru ▼
Просмотров сегодня: 1