Нона Тогочиева - Дурланаш | Текст песни

• Тексты песен
• Нона Тогочиева
• Дурланаш

1.Зүрхэн соомни зохид болоод, нангин сэбэр шинии хайраар,
Инаг дуран – минии хайра, дэлхэй дүүрэн сэсэг түрөө.
Гансал шамай наhан соогоо дуудан , дуулан, зогсон байнаб,
Эрьеэр халин, инаг хайрам, дүүрэн найдал шамдаа олгооб!

Дабталга:
Дурланаб, үдэр бүри шамдаа дурланаб,
Дууданаб, үдэр бүри шамай дууданаб!
Инаг гансам, дуугаар золгон дуудыш!
Инаг минии, дуугаар хайра тухай хэлыш!

2.Арюун hайхан гансал шамтайгаа алтан дэлхэй тойрон ябааб .
hара, наран, толон доро мүнхын хайраар намжаа тала.
Альган дээрэш минии наhан айдар холые зорин гараа ,
Шинии минии зүрхэн нэнгэн, сэбэр нангин этигэл түрөө.

Дабталга:Дурланаб, үдэр бүри шамдаа дурланаб,
Дууданаб, үдэр бүри шамай дууданаб!
Инаг гансам, дуугаар золгон дуудыш!
Инаг минии, дуугаар хайра тухай хэлыш!

Нона Тогочиева еще тексты