Нұрболат Өндірбаев - (Жұматай Жақыпбаев) | Текст песни

• Тексты песен
• Нұрболат Өндірбаев
• (Жұматай Жақыпбаев)

Ғажайып сәт неге қысқа сонша, әттең,
Қарадық та қызығына тоймадық.
Бір көргеннен – жалт қарастық, сол сәттен
Қара көзбен сиқырлы ойын ойнадық.

Жаңа мінез – жастық өбіп түнімен,
Жарық таңда жан боп туып үлгілі,
Шақырымнан қара көздің нұрымен
«Сенікімін» деп сөйледік бір күні.

Көңіл босап, аяулы боп түріміз,
Көрейінші деген оймен бір анық,
Қарыс жерден бірімізге біріміз
Жете алмайтын жандардай боп жыладық.

Жан толқытып тік керілген қас пенен
Ерініңнен үлбіретіп күлкіңді
Тұрғаныңда тіл жеткісіз асқақ ең,
Асқақ едің сұлулықпен бір түрлі.

Сол бір сәтті қаншама рет ойладым
Қаншама рет айттым оны отты үнмен?!
Қара көзбен сиқырлы ойын ойнадым,
Одан артық қызық көрген жоқпын мен.