НұрМұқасан - Не Пайда | Текст песни и Перевод на русский

• Тексты песен
• НұрМұқасан
• Не Пайда

Көгiлдiр көлден не пайда
Жағасы жайсыз жар болса
Суы ашық балық аз
Жиегі тайыз тар болса
___

Көк аспаннан не пайда
Көгiнде күн күлмесе
Қыздар жиған мақтадай
Ақша бұлттар жүрмесе

Биік таудан не пайда
Шыныңда аққар жатпаса
Сылдырап аққан тау суын
Сүйсініп балдай татпаса
___

Шайкалған балдан не пайда
Жемiсiн жазда татпаса
Шаршап бiр келiп жұмыстан
Саясында жатпаса

Жарық күннен не пайда
Үйінде таның атпаса
Бұл өмiрде қызық не
Бұзығын шулап жатпаса
___

Байлықтан жиған не пайда
Артыңда ұрпақ қалмаса
Түн ұйқынды бөлгізген
Сәбиден қолын талмаса

Ер жiгiттен не пайда
Қолына қару алмаса
Елiн жарын туғанның
Дұшпаннан сақтап қалмаса
___

Аталы ұлдан не пайда
Баталы сөздi ұқпаса
Арақ iшiп мас болып
Үлкенді үлгi тұтпаса

Бір туғаннан не пайда
Бірлігі оның болмаса
Ыстыққа бірге жылынып
Суыққа бірге тоңбаса

Ағайыннан не пайда
Көре алмай сенi күндесе
Фәнидің жалған екенiн
Тiрлiкте ойлап бiлмесе

Сансыз достан не пайда
Жаныңды сенiң сезбесе
Шындықты бiрге іздесіп
Қиындыққа төзбесе
___

Жастық шақтан не пайда
Жалындап бір жанбаса
Айлы түнде қыдырып
Махаббатқа қанбаса

Кәрiлiктен не пайда
Қартайып қызық көрмесе
Асырап баққан ұл-қызын
Қарызыңды өтеп бермесе
___

Сұлу қыздан не пайда
Ресторан жанын торласа
Доллар үшiн әркіммен
Ар-намысын қорласа

Сұлу жардан не пайда
Тiрлiкте iсi болмаса
Iздеп бiр досың келгенде
Иiлiп төсек салмаса
___

Көп бiлгенен не пайда
Пайдасыз iште сақтасан
Жастарды жиып қасыңа
Бiлгенiңді айтпасаң

Мен бақылдан не пайда
Тыңдайтын жан болмаса
Бiлiмдiден шыққан сөз
Жүрекке барып қонбаса

Ойымды жинап келгенде
Айтарым саған азамат
Мұратыңа жетпесең
Жамандыққа бетпе сен
Ақыл айтқан адамға
Өзім білем кет десең
Бұл өмірден не пайда
Халқыңа қызмет етпесең

Бұл фәниден не пайда
Бұл жалғаннан не пайда
Халқыңа қызмет етпесең

НұрМұқасан еще тексты

Перевод Translate.vc